حمزة كبر و بقى عندة سنة و شهر
حسيت ان خلاص بقى كبير و لازم يسيب الاوضة بتاعتنا و يروح على الاوضة بتاعتة
و نقلت بايدى سريرة
مختش بالى ان النهردة محمد عندة بيات فى الشغل
و جة الليل و اكتشفت اد اية انت مهم عندى و انك فعلا راجلى التانى
طوال الليل عمالة اتقلب فى السرير و رجعت تانى للعادة اياها
شغلت التلفزيون على اخرة و نورت كل انوار الشقة
زى الى كنت بعملة زمان يا حبيبى قبل انت ما تنور حياتى فى الاوقات الى بابا كان بيسبنى فيها وحدى
دايما كنت لما تكون انت و باباك مع بعض انادى عليكم و اقول رجالتى اهم
لما كنت اقف فى المطبخ و انتم تيجو انتم الاتنين مع بعض انت تضحكلى و بابا يعد يعاكس فيا كنت اول ما اشفكم اقول رجالتى جم
النهردة حسيت انى نايمة لوحدى و رجالتى كلهم مش معايا
كل لحظة بكتشف اهميتك فى حياتى يا حمزة
و بعرف مقدار حبى و ضعفى قدامك يا محمد
ربنا يبارك ليا فيكم يا رجالتى
5 comments:
لا ادري ان كان هناك شاعرا قد قال يوما عن الأشياء التي ندعي الإنفراد بها متوحدين عن باقي البشر لنكتشف انها حولنا في كل مكان.....
لكن الشعراء مخلوش حاجة متكلموش فيها
....
يمكن حسيت بحميمية كبيرة اول ما شوفت البلوج....
الإحساس اللي بيقولك...انت كنت فين انا ن زمان موجووود.....
وحسيت بأن فيه انثى بتتكلم.....
انثى بالمعنى اللي انا اعرفه....
واحدة بتتكلم من جوا....
واحدة عندها شعور بالرضا....وشعور تاني كبير بالحاجة للشعور بالرضا....
انتي فهماني.....
واحدة جلّ رضاها ممكن نختصره في رجلين....
أصغرهم في نظرها هو الأكثرهم رجولة....
وأكبرهم هو الأكثر طفولة.....
هي بتشوف كدة
وعايزة تشوف كدة
ومبسوطة كدة....
من الظلم....
لا...
من الكفر....
أن القدر يسمح لنفسه يوم....
يحرمها من واحد فيهم.....
انا من النوع اللي عشت حياتي مؤمن ومقتنع وواثق جدا من ان حياة كل واحد في البلد دي وتحديدا لو الواحد ده كان انثى.....لازم يكون وراها عقد كتير قوي...وحياة تعيسة في كل شئ من جواهم.....
ونادر...
نادر بجد....
لما اقتنع
ان لا...فيه ناس عايشة زي ما هي كانت تتمنى...وحتى لو مكنوش يتمنو فهما فعلا عندهم الاستعداد ان يعتبرو اللي موجود هو احلا الأماني....ليه لا...بجد ليه لا.....دي نعمة.....
وانا حسيت بده هنا.....
صحيح فيه بحور من الحنان....
لكن برضو فيه محيطات منه....
حقيقي شاكر
واحدة عندها شعور بالرضا....وشعور تاني كبير بالحاجة للشعور بالرضا....
صح جدااا و تعبير دقيق جدا جدا
فاهماك طبعا
واحدة جلّ رضاها ممكن نختصره في رجلين....
أصغرهم في نظرها هو الأكثرهم رجولة....
وأكبرهم هو الأكثر طفولة.....
هي بتشوف كدة
و عجبنى اوى بردو الكام سطر دول
اولا منور البلوج
ثانيا جزاك الله خيرا على التحليل الاكثر من رائع على الكلام
قراتة اكثر من مرة من كتر ما هو عجبنى
شكرا ليك
ربنا يخليهم ليكي ويخليكي ليهم
بوست رقيقي فعلا
أنا بقى هأكتب عالستات بتوعي
المركبى
الله يخليك
يلا مستنين
انت دايما بتتكلم عن الحاجة ربنا يباركلك فيها
ربنا يخليهوملك يا رب
بفرح اوي لما اشوف واحده بتتكلم بسعاده كده عن جوزها و حياتها الزوجيه
و ربنا يبعد عنكوا الحاقدين و الحاسدين و الموقعتيه
و رمضان كريم ليكي و لرجالتك
Post a Comment