الا لو حسنى مات دلوقتى فى عز المعمعة دى اية الى هيحصل
ما شاء الله يعنى الناس كلها عندنا الايام دى
حماس و الاتراك و اليهود
و الكل اعد ملفوف حوالين اسم النبى حرصة
لوأتكل بقى فى نص دة كل
هو وجودة مش عامل حاجة بس اهو منظر بردو
دة كدة هيأرفنا حى و ميت
يعنى بس انا عايزة افهم طول الامل الى عندة دة هيفضل لغاية امتى
مستنى اية
دة عينة اليمين بجد فى اخر كام خطاب مش قادر يفتحها
بجد بقى مسن
مطلوب اية تانى عشان يحس ان خلاص
ولا دى سياسة تانية عشان مصر تغرق فى بحر الصراعات
يعنى لو بيحاول زى ما بيقول انة ينقذ مصر من حرب مع اسرائيل بالطريقة الخايبة الرخيصة الى بيعملها
هيوكسنا فى حرب اهلية اكثر عنفا بالطريقة دى
5 comments:
بعيد عن اى تعصب انا ماظنش انه ممكن تنشا حرب اهليه عشان مين اللى يحكم .. الحرب الاهليه اللى ممكن تحصل هيكون ليها اسباب دينيه ده لو احنا فضلنا مجانين و الحرب دى حصلت اصلا
و بعدين جايز انكل حسنى عامل لينا مفاجاه من اللى هيمسك بعده
مفاجاة اذاى يعنى
هيجمعو الشعب عشان يفتحو الوصية و يشوفو بابا ساب اية
و بعدين انت متخيل ان الجيش مش هيستولى على البلد لو مات منغير ميسيب نائب
و بعدين انت تقصد اسباب دينية مين
الاخوان يعنى
مش هالك الاخوان مش بيدورو على كرسى الحكم
بس لو فكرو دلوقتى و فى الظروف دى انهم يمسكو البلد يبقى فى منتهى الغباء و يبقى هيضيعو نفسهم و كل الى عملوة السنين الى فاتت
ظروف الاخوان فى مصر تختلف عن حماس
اذا كانت حماس بكل شعبيتها و شعبها الى اطفالهم اول حاجة بينطقوها الشهادة فى سبيل الله و مخلصتش امال الاخوان هيعملو اية لو مسكو الحكم
الاكيد ان البلد هتكون فى مهزلة
مهو عشان الجيش هو اللى هيكون متولى المساله دى انا بجد مش قلقان مع انى ضد الحكم العسكرى و مع الدوله المدنيه بس الحقيقه اننا شعب فرعون لازم نخاف عشان نعمل الحاجه صح لو مفيش رقابه علينا عمرنا ماهنعمل الصح
و انا لما قلت اسباب دينيه انا ماكنش قصدى الاخوان بس ... للاسف البلد مليانه بكل شواهد الحرب الدينيه .. سواء اخوان او مسيحين مش عاجبهم وضعهم الحالى
و اخر حاجه انا ماينفعش اتهم الاخوان بالغباء بس اكيد هاقول عليهم ( و ده مش اتهام لانه حقيقه ) انهم انتهازيون
و فى كل الاحوال البلد هتكون فى مهزله
عين يمين ايه بس و شمال ايه دي كلها شكليات الراجل لسه في عز شبابه و مكملش 90 سنه ايه الشعب المفتري ده
اكيد هو عامل مفاجأه زي ما شي قال عايز يشغل مخ الشعب يا تري مين هايحكم او اقولك مش هايبقي في ريس كل واحد يبقي ريس علي نفسه
كل واحد هيبقى ريس على نفسة
احسن فكرة
على الاقل شكلنا مش هيبقى عار بين الامم زى ما احنا عملين دلوقتى
Post a Comment