حفلة تنصيب باراك اوباما رئيس للولايات المتحدة الامريكية اليوم ابكانى
بجد و كنت حاسة برهبة الموقف جدا
طبعا مش تعاطفا مع اوباما انا مش من الناس الى تفائلت لما نجح فى الانتخابات
و انما ما ابكانى هو مقارنة سريعة جدا بيننا و بينهم
اولا شوفو المكان المفتوح و الناس كلها موجودة
انا مفتكرش ان الريس اعد مرة مع الشعب فى مكان مفتوح كدة غير فى الاستاد و كان المقصورة متغطية كلها بواقى رصاص و كان دايما وشة فقرى على مصر
ثانيا بصو كل رئساء امريكا العايشين موجودين
بصو كلينتون كانت الكاميرا كل شوية تيجى علية
انا
انا عمرى 27 سنة
اتولت بعد ما المصيبة و البلوة الى ربنا بلانا بيها مسكت مصر بكام شهر
من يوم ما اتولا و هو واحد بس مشفتش عمرى حد بيقسم اليمين
كل الزعماء العرب زى ما هما الوحيد الى يمكن اتغير و انا عايشة يمكن بشار الاسد بس
الناس دى ليها حق انها توصل لكدة
اتفرجو على القمة العربية و كل واحد ماسك ورقة و مش عارف يقراءها و كمان بيتهتهو فيها
اتفرجو علية و هو بيتكلم بمنتهى الثقة
حاجة تانى بصو على الستات
بصو على مراتة لبس محترم ماكب خفيف جدا
و البنات فى منتهى الطبيعية و البساطة
لو كان الحفل دة عندنا كنت شفت العرى كلة
محدش يقلى الدنيا برد
و الله الناس دى ربنا منزل عليها برود لدرجة انهم فى عز الثلج بيقلعو عادى
لكن بصو هناك الدنيا مختلفة
باراك حسين اوباما
انا مش متفائلة منك او من حدوث تغير يذكر
بس حقيقى ابكتنى كلماتك عن اصلك ووالدك
و ابكتنى صور الحرية
بس معلش سؤال مضايقنى
هو اذاى اوبامة مسيحى
و هو من اب مسلم
يعنى المفروض تكون ديانتة على دين ابوة
دا حتى امة اتجوزت المرة التانية مسلم بردة
يعنى الست المسلمين ملو دماغها
3 comments:
يا بنتى اوباما مش خايف من الناس لانهم هما اللى جابوه و خلوه ريس عليهم .. ده طبعا غير الاحوال عندنا لانه عندنا استفتاءات مش انتخابات و لو فى انتخابات فبتكون منظر كده عشان نخزى عين الشيطان
و بالنسبه لانه مسيحى و ابوه مسلم فده عشان فى امريكا عندهم حاجه مش موجوده ولا عمرها هتكون موجوده عندنا اسمها الحريه الشخصيه اللى من ضمنها حريه العقيده الدينيه
مع انك لما تقرى القرآن تلاقى اننا سبقناهم فى حكايه حريه العقيده " من شاء فليؤمن و من شاء فليكفر " بس هتقولى ايه
اهى ايام و بنقضيها
ربنا يرحمنا من عنده
سبحان الله
كأنك تتكلمى عن لسانى فهذا أيضا مالفت نظرى
اما بالنسبة لديانته قرأت انه كان مسلم ثم استنصر
==================
الكيان الإرهابي الصهيوني أعد لنا جيشاً من المدونين فأين جيشنا ؟
وَأَعِدُّوا لَهُمْ مَا اسْتَطَعْتُمْ مِنْ قُوَّةٍ ,,,
كلنا مقاومة
http://kollonamoqawma.blogspot.com
نعم .. كانت المقارنة صادمة لنا
رأيت العديد من الرؤساء السابقين يحضرون خطاب تنصيب رئيسهم الجديد والذي سيعملون تحت رئاسته
منظر لا يمكن أن نراه عندنا أبدا
Post a Comment