March 8, 2009

ألم الفطام


كملنا سنة و نص و ابتدى كل المقربين منى الهمهمة بكلام مختصر عن أهمية البدء بعملية الفطام لمصلحتنا لان فطام الصيف مؤلم لكلانا

و كان الكلام مختصر و على استحياء او يمكن خوف لمعرفة كل من حولى بصعوبة الامر جدا على

و كان دائما ردى واحد لا يتغير لما نبقى نكمل سنتين لسا مش دلوقتى

و بس

بس مفيش اى استعداد للكلام او المناقشة كانة أمر لن يأتى موعدة ابدا ( كفكرة موت الريس كدة بالظبط )

و بعد كل مناقشة من دول كنت بحس بوجع فى قلبى جدا و معاة دموع حبيسة نفسها تنزل

مع اصرارى على عدم مناقشة الموضوع سكتت كل الافواة الناصحة او يمكن المتغاظة من طريقة تعاملى مع تلك الامور الى الناس بتبصلها انها من البديهيات او يمكن الامور المعتادة ذى الاكل و الشرب و دخول الحمام يمكن

و عدت كمان ثلاث شهور و فى يوم عادى ذى باقى الايام وانا اعدة بتصفح المدونات الصبح كالعادة ---------------------فصلت

اية الى حصل معرفش كل الى عارفاة انى كنت اعدة حاطة الاب توب على رجلى و بسمع موسيقى و اخر سلطنة اغم عليا و صحيت لقيت نفسى على الارض و صغيرى فوقى بيبكى و بيضغط بقوة على قلبى و بطنى بشكل عام بعد مكالمة صغيرة انقلبت الدنيا و لقيت نفسى فى المستشفى و سط محاولات كل الاطباء فى الطوارئ لكتم ضحكتهم و انا اوؤكد لهم ان صغيرى هو الذى انقذنى الموضوع بسيط انتم بتضحكو لية ضربات سريعة جدا فى القلب و اغماء بعد مدة لا اعلمها فوقت مع استمرار ضربات القلب السريعة جدا و صغيرى يضغط على قلبى يبقى هو الى انقذنى

لانهم زملاء زوجى فمرضيوش يزودوها معايا و كأنهم اخدونى على قد عقلى و انشغلنا فى رسم القلب و المخ و تعليق المحاليل و سحب عينة الدم كل دة و محدش عارف فية اية لغاية ما فى الاخر اكتشفو ان نسبة السكر انخفضت مرة وحدة

و رجت البيت لاول مرة متستقبلنيش بالفرحة المعتادة الى بعد بعدها اكبر فى سرى من تعليقات المحيطين بينا عليها و انها اذاى مميزة

كنت مخضوض منى من الى حصل يمكن اتخضيت لما وقعت على الارض و انا مش حاسة او يمكن تكون جريت عليا و انت متوقع انى هفتح عيونى و اخدك فى حضنى تمام ذى ما بعمل كل مرة حتى و انا فى عز نوم جميل

و اتفتح تانى الموضوع اياة بس انا المرة دى الى فتحتة حسيت انى بجد تعبانة ولازم افطمك سنة و 8 شهور

حاسة الى هحرمك من حق ليك

هتبعد خلاص عن اخر حاجة خاصة اوى بينى و بين

هتحرم من متعه التصاقك بيا و ثبات عيوننا فى بعض

عن اغانيا المخترعة فى لحظتها

بتكون جميلة و لحنها هادى او مجنونة فى اوقات تانية تخليك تكركر اكنك فاهم ال اى حاجة الى بغنيها بلحن مرح

هتحرم من جريك ورايا عشان تعرف تمسكنى و تاخد جيزتك ضمة حنينة اوى معاها جرعة لبن مصنوعة ربنانى مخصوص عشانك

و من لمست ايدك فى عزة السقعة و انت بتخبيها جوا هدومى وقت الرضاعة

اشتياقك لحضنى رغم انك مش جعان بس لمجرد احساسك بالامان

المرة دى انا هجرى و هاخدك فى حضنى بس النهاية مختلفة مش ذى كل مرة

دموعك و نظرة عيونك معزبانى و كأنى ام شرير بتحرم ابنها من اهم حاجة عندة

نظرتك ليا و انت نايم فى سريرك كأنك بتصطعتفنى انى اديلك حاجة بتاعتك

و اصرارى انى احرمك منها

مش انت بس الى تعبنى حرارة جسمى مرتفعة جدا و حاسة بأحتقان رهيب

دموعة نازلة من الم قلبى و باقى جسمى

ثلاث ايام صعبين جدا

افتكرت ان بعدهم خلاص

بس انت كل شوية تشدنى من هدومى

و احس ببرودة ايدك جوا ضلوعى

و نظرة عينك فيها سؤال

يمكن يكون هو اية الى حصل

او انا زعلتك فى اية

او انت بعتى عنى لية

او فين سرنا انا و انت

انا عارفة انك هتفهم من عيونى ان سرنا هيفضل علطول جوانا انا و انت بس

مش محتاجين حاجة ملموسة تجمعنا

بحبك و بس

بحبك عشان حجات كتيرة

بحبك عشان

لانى

بجد بحبك

بحبك

12 comments:

نعكشة said...

ربنا يخليه ليكي و يخليكي ليه
و يخليكوا دايماً لبعض

معلش هوه لازم بقة :(

و ان شاء الله تعدي الفترة على خير
و زي مانتي قولتي

الحاجات دية بتفضل جوانا احنا في حتة معرفش هيا فين
بس مش لازم تبقى محسوسة

يا رب يا رب تشوفيه ابن صالح يكون عون ليكي و يبهججك بنجاحة

آمين

سلام عليكِ

يــوم جــديد said...

:'(
ألف سلامة عليكي يا سمسمتي
بعد الشر عنك
لسه كنت بتكلم عنك مع حبيبة واضح إنه كان قلبنا حاسس

سمسمة
انتي أم جمــــــيلة أوي

يــوم جــديد said...

ماينفعش أبقى بنتك؟

يقول أنى امرأة said...

نعكشة
اللهم امين
نورتى المدونة


الست جنة هانم
كل سنة و مدونتك طيبة يا حبيبتى
انت اختى حبها جميل و مختلف خالص حتى لو مكنش الواحد عارف يعبر عنة صح انت عموما هتبقى ماما كويسة جدااااا ان شاء الله

يا مراكبي said...

سبحان الله

غريزة الأمومة دي حاجة عجيبة .. سبحان من أبدعها

أنا بألاحظ الفرق الرهيب بيني وبين زوجتي في المواضيع اللي زي كده .. دي كبيعة خلقنا ربنا سبحانه وتعالى بيها

maha said...

سلام عليكي يا ام
انا مشعارفة اسمك ايه بس ممكن اديكي لقب ام لاني حساككي اوي فيه
..
انا فعلا مش امو لكن كتير بحس احساس الامومة في حاجات كتير
في مواقف كتير
..
يمكن اصعب المواقف ممكن تقابليها في حياتك كام هي كل موقف بتكوني فيه مجبره انك تسيبي جزءمنك و يكون لازم تعملي كده
بدات معاكي بالفطام و ..هتمر عليكي اول يوم حضانه ..و اول يوم مدرسه ..و اول امتحان بجد لما يكون خايف ..يوم تسليم الشهاده ..و يوم ما يختار شريكة حياته عشا يكمل المشوار معاها ..
........
صعب كل الاوقا دي ..بس افرحي انه معاكي.. انك بتشوفيه بيكبر ادام عنيكي
..
عارفة انك بتفكري دلوقت في نظرة عنيه اللي بتلومك ..
..
ممكن ساعتها تاخديه في حضنك و تلعبي معاك
تاكليه و كانه لسه بياخد الحياه منك ...لانه مهما كبرالسرده بينكون ...فيه حاجات كتير هتفضل معاكوا حتي لو حسيا مش موجوده ..بس كفاية انكوا هتحسوا ببعض اوي ..و انتي اكتر ..فيه اوقات هتكون عارفه انه تعبان او مرهق او زعلان او نفسه في اي حاجة..انتي اللي هتكوني عارفة و انتي اللي هتكوني فاهماه
..
متعليش .عارفه ان الموضوع ده انتي بتحاولي تاجليه بقالك فترة
بس لازم تحافظي علي نفسك لانه محتاجلك قوية جنبه
ربنا يخليه ليكي يا رب و يباركلك فيه
و يقر بيه عينك يا رب
سلام
مها

Yasmine said...

احساسك اكتر من رائع بجد شوقتينى لتجربة الامومة بشكل غير عادى
ربنا يخليهولك و يباركلك فى عمره يا رب

لبنــــــــــى said...

الله يحفظوا الك و يربى قدام عيونك
طبعا انت بتحكي عن تجربة ما مريت فيها بس كتير شفقت على الولد
بس لازم يتعود
سلامتك علشانوا كمان مهمة

تحية لشعورك الرقيق
و كل عام و انت بخير

قلب ارهقته الاحلام said...

إحساسك جميل أوي يا امرأة :)

بجد ربنا يخليهولك ويخليكوا لبعض

فعلاً يمكن تكون الامومة دي هي أجمل

إحساس ف الدنيا كلها فيارب ربنا

يكتبهالنا وميحرمناش منها

بجد أنتي كتباها بإحساس جميل وعالي أوي

خليتي جسمي قشعر (:

صبرني يارب said...

ايه ده

بصراحه ما جربتش انا ولادي رزقهم فى الرضاعه لحد 3 شهور ولوحده بيروح اللبن

بس مش للدرجه دي اعتقد

حرام عليكى ما تعذبيش نفسك اوي كده

ربنا يخليهولك يا جميل


على فكره اول مره ادخل مدونتك ودخلتها بالصدفه الباحته قابلتنى فى السيرش وكانت مع لوجو اسمه حركة 7 مارس وجيت افهم الموضوع بس قريت بوست تاني عجبني جدا
وقريت ده

ولسه ما فهمتش 7 مارس ده ايه

هاروح اقلب فى المدونه

تحياتي ليكى وسررت بالتعرف بك

يقول أنى امرأة said...

يا مركبى
سبحان اللع فى فرق المشاعر بين الرجل و المراءة عشان كدة اظن الستات بيستحملوا التعب بكل حب
نورتنى


maha
اولا دى زيارتك الاولى فنورتينى بجد
ثانيا شكرا اوى على لقب ام بحبة و بحسة انه اجمل لقب بجد
و انا بحاول اعمل الى بتقولى عليه


انا حرة
يا رب ربنا يكرمك و ان شاء الله تكونى ماما جميله


jafra
ربنا يكرمك شكرا على كلامك الرقيق


قلب أرهقتة الاحلام
شكرا يا حبيبتى بجد و ان شاء الله كل احلامك تتحول لاحلى حقيقة

صبرنى يا رب
يا فندم انت نورتى المدونة
و يا رب تعجبك و اشوفك علطول

Blank-Socrate said...

كلااااامك جميل جدا
ابنك هيكون انسان جميل جدا علشان ليه ام جميله بتحبة بالشكل الرائع دا
ربنا يفرحك بيه و يخليكوا دايما لبعض
و سلامتك