انا بحبك يا بلادى

مبروك عليكى يا بلادى

علطول بشتاق

ساعات بشتاق ليوم عشته وانا صغير

لشكلي قبل ما اتغير

لأيام فيها راحه البال عشان كنا ساعتها عيال

ساعات بشتاق للحب القديم

ولصوت عبدالحليم

لنومي فحضن لبس العيد واحساس ان بكره بعيد

لفنجان قهوه من امي وانا بذاكر

لفرحه ابويا لما انجح واكون شاطر

للمه عيله فالصيف لما بنسافر ع مطروح

ساعات بشتاق لخالي وعمي ولجدي

لحواديت من بتوع ستي لليله من ليالي زمان الفرح يملى كل مكان

ساعات بشتاق لبيتنا الكبير والناس مليانه خيرلا باتو فيوم مره شايلين ولا عملوا حساب لسنين

للعب الكوره فالشارع فحتتنا

لأمي وهي بتعيد ع جارتنا

لرمضان بنوره بيهل ع بيتنا

وكل مكان حاجات عدى عليها سنين سابت فينا صور جوانا عايشه زي اسامينا

ولا الدنيا ولا الايام تنسينا ليالي زمان

ساعات

حاله انتظار

حاله انتظار

بقيت علطول فى حاله انتظار

انتظار شئ مجهول

مجرد انتظار

حاله ترقب

الاحداث كتير

و العجله تدور بصورة سريعة

و يفضل الانتظار

بيضيع العمر معاة

و بمراجعة حصيله الايام

تطلع النتيجة على شكل انتظار

تفعيص فى الجامعة

الفترة الى فاتت انتشر جدا الفيديو بتاع الولد و البنت فى جامعة المنصورة

انتشر ذى النار بجد فى كل مكان

و اختلفت الاراء حوله

بين حد صعبان علية الولد و البنت و شايف انهم خطفوا لحظات من الزمن تتويج لرغبة مكبوتة

و حد صب جل غضبة على الى صور فى السر و فضح البنت

و حد تانى خالص اتفرج و اتبسط و عاد و زاد الفديو و خلاص

الحقيقة انا مكنتش اتفرجت علية لما كنت بقراء الكلام بس كنت حاسة ان فية حاجة مش طبيعية

أصل سنة من سنن ربنا فى الكون ان الحرامى مبيتقفش من اول مرة

و دى حقيقة ممكن كل واحد فينا يترجمها على نفسة

شوف انت اتقفشت امتى فى اى عكة انت عملتها و صارح نفسك هتعرف انك اتقفش بعد ما بقيت متمرس فى العكة دى

و لما اتفرجت دلوقتى على اليفديو عرفت ان راى المبدئ كان صح

البنت دى مش اول مرة تتباس

ولا اول مرة ولد يلمسها

او يمسها من اى حتة مهما كانت لانة فى الفيدية مسكها كويس اوى من اماكن كتيرة و الحكاية اوضح من الشمس

عنيها مغمضتش و هى بتتباس لا دى بصاله و مركزة و بتشيل الايشرب و بتفتح البدى

اقصد يعنى الى حصل معاة دة مش اول الحتكاك بينهم سواء معاه او مع غيرة

بمعنى اخر احنا لية غضبنين اوى من الى صور و نشر

دة التطور الطبيعى للحاجة الساقعة

مهو الى صور اما كان نفسة يبقى بدل الولد و منفعش

او خد مع البنت دى لفة - و سمحونى لو مطلعتش بنت- و كان عارفا ان الدور هيجى على الى بعدة فقال يسلى نفسة

و بعدين بصيتو على اخر لقطة الولد كان بيفتح البنطلون بص لقى فى كاميرا شورلها بمنتهى البرود و قام

و هى قامت و باصة للكميرا عادى

يعنى هى لو كانت لحظة ضعف مع حد بتحبة و دى زله كانت اغمى عليها فى لحظة

بس هى قامت عادى ببرود

و هتدور على مكان تانى تكمل فية الوصله

عادى

الناس لية اتخضتت و حست بصوا المصيبة فى قلب الجامعه

هما دول رايحين الجامعة يتعلموا علشان احنا نتخض من سلوكياتهم

ولا دول موجودين فى قلب الجامعة بس

لا دول موجودين فى المواصلات و مالين المترو بكل قذارة و المولات و السينما دول جوا بيوتنا

الغلطة مش غلطة الى صور

الغلطة غلطة مجتمع كلة بيدور ف حلقة واحدة ملهاش نهاية

كله بياخد من كلة

وتلاقى الولد شاف بطل فيلم بيعمل المشهد دة و حب يقلدو

بس يمكن البطل فى الفيلم لما يعرف انهم بيتصورا يقوم يضرب او يكسر الكاميرا الى بتصور علشان يسيب انطباع عند الى بيتفرج انه اة بيعمل فيكى كدة و انت مش حلالة و فى مكان عام بس بيخاف عليكى

عشان يكون هو الحلم

لكن طالب جامعة المنصورة ولا همة خدها و راح يكمل بعيد

مفكرش حتى يكسر الكاميرا بطوبة

بس السؤال الغريب

لما الاجيال دى جلنا و الناس الى لسا فى الجامعة

تربية اهالينا الناس الكويسين بيعمولوا كدة امال دى لما تبقى دى ام ولادها هيعمولا اذاى ؟

ألم الفطام

كملنا سنة و نص و ابتدى كل المقربين منى الهمهمة بكلام مختصر عن أهمية البدء بعملية الفطام لمصلحتنا لان فطام الصيف مؤلم لكلانا

و كان الكلام مختصر و على استحياء او يمكن خوف لمعرفة كل من حولى بصعوبة الامر جدا على

و كان دائما ردى واحد لا يتغير لما نبقى نكمل سنتين لسا مش دلوقتى

و بس

بس مفيش اى استعداد للكلام او المناقشة كانة أمر لن يأتى موعدة ابدا ( كفكرة موت الريس كدة بالظبط )

و بعد كل مناقشة من دول كنت بحس بوجع فى قلبى جدا و معاة دموع حبيسة نفسها تنزل

مع اصرارى على عدم مناقشة الموضوع سكتت كل الافواة الناصحة او يمكن المتغاظة من طريقة تعاملى مع تلك الامور الى الناس بتبصلها انها من البديهيات او يمكن الامور المعتادة ذى الاكل و الشرب و دخول الحمام يمكن

و عدت كمان ثلاث شهور و فى يوم عادى ذى باقى الايام وانا اعدة بتصفح المدونات الصبح كالعادة ---------------------فصلت

اية الى حصل معرفش كل الى عارفاة انى كنت اعدة حاطة الاب توب على رجلى و بسمع موسيقى و اخر سلطنة اغم عليا و صحيت لقيت نفسى على الارض و صغيرى فوقى بيبكى و بيضغط بقوة على قلبى و بطنى بشكل عام بعد مكالمة صغيرة انقلبت الدنيا و لقيت نفسى فى المستشفى و سط محاولات كل الاطباء فى الطوارئ لكتم ضحكتهم و انا اوؤكد لهم ان صغيرى هو الذى انقذنى الموضوع بسيط انتم بتضحكو لية ضربات سريعة جدا فى القلب و اغماء بعد مدة لا اعلمها فوقت مع استمرار ضربات القلب السريعة جدا و صغيرى يضغط على قلبى يبقى هو الى انقذنى

لانهم زملاء زوجى فمرضيوش يزودوها معايا و كأنهم اخدونى على قد عقلى و انشغلنا فى رسم القلب و المخ و تعليق المحاليل و سحب عينة الدم كل دة و محدش عارف فية اية لغاية ما فى الاخر اكتشفو ان نسبة السكر انخفضت مرة وحدة

و رجت البيت لاول مرة متستقبلنيش بالفرحة المعتادة الى بعد بعدها اكبر فى سرى من تعليقات المحيطين بينا عليها و انها اذاى مميزة

كنت مخضوض منى من الى حصل يمكن اتخضيت لما وقعت على الارض و انا مش حاسة او يمكن تكون جريت عليا و انت متوقع انى هفتح عيونى و اخدك فى حضنى تمام ذى ما بعمل كل مرة حتى و انا فى عز نوم جميل

و اتفتح تانى الموضوع اياة بس انا المرة دى الى فتحتة حسيت انى بجد تعبانة ولازم افطمك سنة و 8 شهور

حاسة الى هحرمك من حق ليك

هتبعد خلاص عن اخر حاجة خاصة اوى بينى و بين

هتحرم من متعه التصاقك بيا و ثبات عيوننا فى بعض

عن اغانيا المخترعة فى لحظتها

بتكون جميلة و لحنها هادى او مجنونة فى اوقات تانية تخليك تكركر اكنك فاهم ال اى حاجة الى بغنيها بلحن مرح

هتحرم من جريك ورايا عشان تعرف تمسكنى و تاخد جيزتك ضمة حنينة اوى معاها جرعة لبن مصنوعة ربنانى مخصوص عشانك

و من لمست ايدك فى عزة السقعة و انت بتخبيها جوا هدومى وقت الرضاعة

اشتياقك لحضنى رغم انك مش جعان بس لمجرد احساسك بالامان

المرة دى انا هجرى و هاخدك فى حضنى بس النهاية مختلفة مش ذى كل مرة

دموعك و نظرة عيونك معزبانى و كأنى ام شرير بتحرم ابنها من اهم حاجة عندة

نظرتك ليا و انت نايم فى سريرك كأنك بتصطعتفنى انى اديلك حاجة بتاعتك

و اصرارى انى احرمك منها

مش انت بس الى تعبنى حرارة جسمى مرتفعة جدا و حاسة بأحتقان رهيب

دموعة نازلة من الم قلبى و باقى جسمى

ثلاث ايام صعبين جدا

افتكرت ان بعدهم خلاص

بس انت كل شوية تشدنى من هدومى

و احس ببرودة ايدك جوا ضلوعى

و نظرة عينك فيها سؤال

يمكن يكون هو اية الى حصل

او انا زعلتك فى اية

او انت بعتى عنى لية

او فين سرنا انا و انت

انا عارفة انك هتفهم من عيونى ان سرنا هيفضل علطول جوانا انا و انت بس

مش محتاجين حاجة ملموسة تجمعنا

بحبك و بس

بحبك عشان حجات كتيرة

بحبك عشان

لانى

بجد بحبك

بحبك

النوم نعمة

بجد خلاص تعبت

وحشتنى اوى ايام الانتخة

العودة الى الغيبوبة

مش عارفة لية حاسة ان اغلب الناس نامت و اعتمدت ان الحمد لله خلاص الحرب خلصت

فى الايام الى فاتت كل الى يدخل على النت كان يحس انة داخل سكنة عسكرية

الكل كاتب فى نفس الموضوع باسلوب و زاوية مختلفة

بس الشبكة كلها كانت فى انسجام تام

فجائة و بدون اى مقدمات حصل عملية برود و سكينة كدة

مش عارفة دة لية علاقة بسلوكياتنا احنا كعرب ولا فعلا الناس مقتنعة ان الحرب انتهت

اصل احنا بجد شعوب همتها و طاقتها بتبرد بسرعة

تعرفو كدة من الرياضة مثلا الرياضات الجماعية الى زى كرة اليد او السلة تلاقى الفريق فى الشوط الاول نار و غالب بفارق اسكور كبير فى الشوط التانى بقى تلاقى ركن على كدة و الفوز بقى هزيمة تقيلة

بس يا ترى الناس الى كل يوم طلعت فى مظاهرات و نشرت القضية بكل الوسائل و لمت تبرعات

اقصد الحركة الجديدة علينا كمجتمع و الى كل وسائل الاعلام رصدتها

هما هما نفس الناس دى ممكن تبرد بالسرعة دى

انا بعمل دراسات فى الجامعة الامريكية و امبارح كان عندى محاضرة

و الموضوع اتفتح ان واحدة بتقلى شيلى بقى الصورة الى انت حطاها على الفيس بوك دى

تقصد صورة غزة

ما خلاص يا بنتى الحرب خلصت

للحظة مفهمتش الصراحة

و لقيت دة راى كل الناس الى قاعدة معانا

طب لو حتى الحرب خلصت يبقى خلاص الموضوع انتهى مينفعش نحزن او حتى التاثير يفضل ممتد معانا لايام

اظن ان الموضوع متشعب اوى و لية وجوهة كثيرة اولها تبتداء مننا احنا كاشخاص

الحرب مخلصتش و مش هتخلص لانها ببساطة بداية مرحلة جديدة و الى اتفرج النهردة على هيكل هتتضح لية الرؤية اوى

و الدم الى سال و حرقة القلب مينفعش تعدى كدة كانها بقت ذكرى

انا مش بقول ان الناس متعش حياتها الطبيعية و ان الناس على مدوناتها او اى موقع على النت ميرجعش لطبيعتة

بس لازم نفتكر اننا لاول مرة من زمن نقوم من الغيبوبة و نتحد على كلمة و فكرة

اظن ان دى حاجة تستاهل اننا نتمسك بيها

حتى ان زعمو ان حرب خلاص انتهت

تنصيبة ابكانى

حفلة تنصيب باراك اوباما رئيس للولايات المتحدة الامريكية اليوم ابكانى

بجد و كنت حاسة برهبة الموقف جدا

طبعا مش تعاطفا مع اوباما انا مش من الناس الى تفائلت لما نجح فى الانتخابات

و انما ما ابكانى هو مقارنة سريعة جدا بيننا و بينهم

اولا شوفو المكان المفتوح و الناس كلها موجودة

انا مفتكرش ان الريس اعد مرة مع الشعب فى مكان مفتوح كدة غير فى الاستاد و كان المقصورة متغطية كلها بواقى رصاص و كان دايما وشة فقرى على مصر

ثانيا بصو كل رئساء امريكا العايشين موجودين

بصو كلينتون كانت الكاميرا كل شوية تيجى علية

انا

انا عمرى 27 سنة

اتولت بعد ما المصيبة و البلوة الى ربنا بلانا بيها مسكت مصر بكام شهر

من يوم ما اتولا و هو واحد بس مشفتش عمرى حد بيقسم اليمين

كل الزعماء العرب زى ما هما الوحيد الى يمكن اتغير و انا عايشة يمكن بشار الاسد بس

الناس دى ليها حق انها توصل لكدة

اتفرجو على القمة العربية و كل واحد ماسك ورقة و مش عارف يقراءها و كمان بيتهتهو فيها

اتفرجو علية و هو بيتكلم بمنتهى الثقة

حاجة تانى بصو على الستات

بصو على مراتة لبس محترم ماكب خفيف جدا

و البنات فى منتهى الطبيعية و البساطة

لو كان الحفل دة عندنا كنت شفت العرى كلة

محدش يقلى الدنيا برد

و الله الناس دى ربنا منزل عليها برود لدرجة انهم فى عز الثلج بيقلعو عادى

لكن بصو هناك الدنيا مختلفة

باراك حسين اوباما

انا مش متفائلة منك او من حدوث تغير يذكر

بس حقيقى ابكتنى كلماتك عن اصلك ووالدك

و ابكتنى صور الحرية

بس معلش سؤال مضايقنى

هو اذاى اوبامة مسيحى

و هو من اب مسلم

يعنى المفروض تكون ديانتة على دين ابوة

دا حتى امة اتجوزت المرة التانية مسلم بردة

يعنى الست المسلمين ملو دماغها

صور ووجوهة 2

المجزرة لم تنتهى
لانها ان انتهت الان و هكذا
فسيكون دم الشهداء و بكاء الاطفال و حرقة دم الامهات على ازواجهم و فلذات اكبادهم قد ضاعو هباء
ولكن بعد بضعة سنين عندما نفتح كتب التاريخ لنعلم ابنائنا اسطورة الصمود- لشعب علم الامة معنى العزة
و كان لة الاجر فى استيقاظ جسد تاكلت اطرافة و اصابة العفن
هو جسد الشعب المسلم و العربى
بل جسد العالم اجمع بجميع اطيافة
سنريهم صور ووجوة لكل صورة قصة كفاح و لكل وجة دور فى عزة الامة او على النقيض وجة اسود كاد ان يضيع الامة معة

هؤلاء هم اصحاب الوجوهة البيضاء

و من ورائهم كل طفل و ام و شيخ قبل المجاهدين

يا ليتنا نستطيع احصائهم ووضع صورهم معهم

ولكن الله يعلمهم و يحصيهم و يعرف وجوههم و ما هو فى قلوبهم

و كل واحد منهم يجاهد بطريقتة الخاصة

اما هؤلاء فسيتذكرهم التاريخ بكلمة واحدة

انهم كانو سبب نكسة الامة

و ستشهد عليهم ايديهم لانهم وضعوها فى يد عدو صهيونى رغم امتلائها بالدماء العطره

معاك عرفت معنى المثل بتاع لسانك حصانك

جتك نيلة وكستنا و فضحتنا

وخلتنا الفقرة الفاكاهية على قناة الجزيرة

انا مستغربة اوى ان الى بيجرى فى عروقك هو هو الى بيجرى فى عرق كل مواطن فلسطينى حر

و انك مشترك معاهم فى نفس الجينات

اظن اننا محتاجين نعمل تحليل d n a

عشان نجيب الاصل

مش بعيد اننا نلاقى كل حكام العرب مشتركين فى نسل اسرة واحدة

صدرت للبشرية الزل و الهوان

الراس الكبيرة

no comment

دول بقى شوية صور للذكرى

مجتمعين فى جهنم ان شاء الله

هناء و شرين

2 ستات بيحركو العالم كلة بجرة قلم

باقى الصور فى البوست القادم

صور ووجوهة

الانجازات الصهيونية

المجزرة لم تنتهى

لانها ان انتهت الان و هكذا

فسيكون دم الشهداء و بكاء الاطفال و حرقة دم الامهات على ازواجهم و فلذات اكبادهم قد ضاعو هباء

ولكن بعد بضعة سنين عندما نفتح كتب التاريخ لنعلم ابنائنا اسطورة الصمود- لشعب علم الامة معنى العزة

و كان لة الاجر فى استيقاظ جسد تاكلت اطرافة و اصابة العفن

هو جسد الشعب المسلم و العربى

بل جسد العالم اجمع بجميع اطيافة

سنريهم صور ووجوة لكل صورة قصة كفاح و لكل وجة دور فى عزة الامة او على النقيض وجة اسود كاد ان يضيع الامة معة

الصور

من ملف اختنا زينب

زينوبيا

و سوف تتبع فى البوست القادم ان اشاء الله

هيعين امتى نائب

الا لو حسنى مات دلوقتى فى عز المعمعة دى اية الى هيحصل

ما شاء الله يعنى الناس كلها عندنا الايام دى

حماس و الاتراك و اليهود

و الكل اعد ملفوف حوالين اسم النبى حرصة

لوأتكل بقى فى نص دة كل

هو وجودة مش عامل حاجة بس اهو منظر بردو

دة كدة هيأرفنا حى و ميت

يعنى بس انا عايزة افهم طول الامل الى عندة دة هيفضل لغاية امتى

مستنى اية

دة عينة اليمين بجد فى اخر كام خطاب مش قادر يفتحها

بجد بقى مسن

مطلوب اية تانى عشان يحس ان خلاص

ولا دى سياسة تانية عشان مصر تغرق فى بحر الصراعات

يعنى لو بيحاول زى ما بيقول انة ينقذ مصر من حرب مع اسرائيل بالطريقة الخايبة الرخيصة الى بيعملها

هيوكسنا فى حرب اهلية اكثر عنفا بالطريقة دى

المقدمات التركية

سؤال ؟

يا ترى فية مصادفة بين عاصفة المسلسلات التركية الى اكتسحت العالم العربى من كام شهر و التدخل التركى الكبير فى الشئون العربية !

يعنى معروف ان الفن هو سفير الامم

نفهم من كدة ان المسلسلات التركية كانت بتمهد الارض للقدوم السياسى التركى لجعل اسم تركيا سهل و مستصاغ فى الاذن العربية عشان الواحد ميحسش بغربة فى تدخلهم

سؤال ؟

و لو كان دة صحيح

كان مقصود ان تركيا تظهر للعالم الاسلامى و العربى فى الشكل دة الى نقلتة المسلسلات فى نفس الوقت الى كتير من الى ميعرفوش الاتراك على حقيقتهم اتفجئو جدا من صورة ابنة رئيس تركيا بالحجاب يوم فرحها

يعنى باختصار كانت تركيا عايزة توصل انها تمتلك الطابع الاوربى الخالص

بدون اى سمت اسلامى !

علامة تعجب !

خطاب واحد للشيخ القرضاوى كان كفيل انة يحرك الامة

ليوم الغضب

يا ترى اية هتكون فحوى الخطاب القادم

!!!!

لا تصالحْ

ولو وقفت ضد سيفك كل الشيوخْ
والرجال التي ملأتها الشروخْ
هؤلاء الذين يحبون طعم الثريدْ
وامتطاء العبيدْ
هؤلاء الذين تدلت عمائمهم فوق أعينهم
وسيوفهم العربية قد نسيت سنوات الشموخْ
لا تصالحْ
فليس سوى أن تريدْأنت فارسُ هذا الزمان الوحيدْوسواك.. المسوخْ!

لا تصالح!

تحديث

اية الحلقة بتاعت هيكل النهردة دى

بجد لازم الكل يتفرج عليها هى و حلقة الشيخ ابو اسماعيل امبارح على قناة الناس

مكنتش حلقة دينية لا حلقة رجل سياسى محنك قارئ ممتاز للتاريخ و للوضع الحالى

فعلا نصيحة لازم متفتكمش الحلقتين

(2)

لا تصالح على الدم.. حتى بدم!

لا تصالح! ولو قيل رأس برأسٍ

أكلُّ الرؤوس سواءٌ؟

أقلب الغريب كقلب أخيك؟

!أعيناه عينا أخيك؟

!وهل تتساوى يدٌ.. سيفها كان لكبيدٍ

سيفها أثْكَلك؟

سيقولون:

جئناك كي تحقن الدم..

جئناك. كن -يا أمير- الحكم

سيقولون:

ها نحن أبناء عم.

قل لهم: إنهم لم يراعوا العمومة فيمن هلك

واغرس السيفَ في جبهة الصحراء

إلى أن يجيب العدم

إنني كنت لك

فارسًا،

وأخًا،

وأبًا،

ومَلِك!

(4)

لا تصالح

ولو توَّجوك بتاج الإمارة

كيف تخطو على جثة ابن أبيكَ..؟

وكيف تصير المليكَ..

على أوجهِ البهجة المستعارة؟

كيف تنظر في يد من صافحوك..

فلا تبصر الدم..

في كل كف؟

إن سهمًا أتاني من الخلف..

سوف يجيئك من ألف خلف

فالدم -الآن- صار وسامًا وشارة

لا تصالح،

ولو توَّجوك بتاج الإمارة

إن عرشَك: سيفٌ

وسيفك: زيفٌإ

ذا لم تزنْ -بذؤابته- لحظاتِ الشرف

واستطبت- الترف

(6)

لا تصالح

ولو ناشدتك القبيلة

باسم حزن "الجليلة"

أن تسوق الدهاءَ

وتُبدي -لمن قصدوك- القبول

سيقولون:

ها أنت تطلب ثأرًا يطول

فخذ -الآن- ما تستطيع:

قليلاً من الحق..

في هذه السنوات القليلة

إنه ليس ثأرك وحدك،

لكنه ثأر جيلٍ فجيل

وغدًا..

سوف يولد من يلبس الدرع كاملةً،

يوقد النار شاملةً،

يطلب الثأرَ،

يستولد الحقَّ،

من أَضْلُع المستحيل

لا تصالح

ولو قيل إن التصالح حيلة

إنه الثأرُ

تبهتُ شعلته في الضلوع..

إذا ما توالت عليها الفصول..

ثم تبقى يد العار مرسومة (بأصابعها الخمس)

فوق الجباهِ الذليلة !

(9)

لا تصالحْ
ولو وقفت ضد سيفك كل الشيوخْ
والرجال التي ملأتها الشروخْ
هؤلاء الذين يحبون طعم الثريدْ
وامتطاء العبيدْ
هؤلاء الذين تدلت عمائمهم فوق أعينهم
وسيوفهم العربية قد نسيت سنوات الشموخْ
لا تصالحْ
فليس سوى أن تريدْأنت فارسُ هذا الزمان الوحيدْوسواك.. المسوخْ!
(10)

لا تصالحْ

لا تصالحْ

اجزاء من

لا تصالح!
أمل دنقل

NOW IN GAZA

مدونة جديدة بس المرة دى مش شخصية

فاتحة ابوابها لكل الى يحب يشارك

و عايز يوصل صوتة للعالم من أجل القضية الفلسطينية

لا مش بس كدة

من أجل عزة المسلمين

لو كان الغضب و العجز و الضعف مالى قلبك

شارك ولو بكلمة

اكيد لو صادقة هيكون لها تأثير

http://nowingaza.blogspot.com/search/label/arabic

عندما تمتزج القوة بالايمان

اية يا جماعة الراجل دة
اذاى بيعمل كدة
النظرة الى بتطلع من عيونة و هو بيتكلم بيجبها منين
شفتو الخطاب امبارح انا كنت حاسة ان فية اسهم طالعة فى اتجاهين مختلفين تماما
اسهم مليان حقن شجاعة و ثقة عمال يحقن بيها كل مسلم عربى بيتفرج علية بتقول انتم خايفين من اية اوعو تفتكرو ان المقاومة هتموت او ان احنا لحمنا سهل
و نظرة تانية و الله لها تاثير اقوى من الاباتشى على اليهود و كل جندى واقف على الحدود مستنى جوا الدبابة بتاعتة اتفرج امبارح على الخطاب
و اظن لو حكومة الصهاينة كان لسا فيهم نقطة دم منشفتش بعد خطاب امبارح المفروض انها تمنع الجنود من مشاهدة الخطاب علشان المعنويات
من اول الحرب و انا كل ما اشوف صرخات الاطفال المرعوبين و ندائاتهم على امهاتهم كان كل الى طالع على لسانى اللهم اقذف الرعب فى قلوب المعتدين اللهم اقذف الرعب فى قلوبهم
امبارح بعد الخطاب افتكرت جدا كلمة حبيبنا و نبينا محمد
أعطيت خمساً لم يعطهن أحدٌ قبلي: نصرت بالرعب مسيرة شهر

كان رهيب مشعل و هو بيوعد الجنود اليهود ان فى انتظارهم مصيرا اسود
و منتهى القوة و الثقة و هو بييتكلم عن امكانياتهم العسكرية حتى و ان كانت بسيطة
و قدرتهم عن الحرب
و العزة و هو بيتكلم عن اهل غزة الى كانو برة الحدود و حرثهم على العودة تانى فى ظل تلك الظروف
و ايمانة الشديد بكل كلمة من كلمات الله سبحانة و تعالى
و شرحة لمعنى و اعدو لهم ما استطعتم من قوة
و تاكيدة انهم يملكون تلك القوة


علمونا و هما بيدرسونا السيرة ان الرسول علية الصلاة و السلام ما ابتداش التفاوض مع اهل مكة غير لما كان فى موطن قوة و ان الضعيف لا يتفاوض بل يشحت الاحسان
امبارح شفت دة عملى فى الخطاب الايمانى العسكرى الرائع
عايزين نتكلم نتكلم مفيش مانع
بس اوقفو العدوان و افتحو الحدود و فكو الحصار
من منطلق شخص قوى لة تاثيرة على المجتمع الاسرائيلى
صحيح منذ يداية العدوان لم يمت الا 2 نتيجة للقذائف الحماسية
الا ان الرعب و الهلع فى المجتمع الى خلاهم ينزلو اماكن الايواء كان اعمق و اقوى


فية ناس تبص فى وجوهم تحس بالنور الالهى و كانهم الملائكة
و فية ناس كمان ربنانين
لما تتمعن اوى فى النظر اليهم ممكن تشوف ملامح الصحابة رضوان الله عليهم ذى ما رسمتهم مخيلتك و انت تدرس سيرتهم
د. نزار ريان
لية هيبة عجيبة رحمة الله
و كنت كل ما انظر الية اتخيل
سيدنا حمزة
يقال ان سيدنا حمزة و سيدنا خالد لما كانو بيركبو الخيل كانت اقدامهم تلمس الارض
امبارح فى كل الفديوهات للشهيد نزار ريان تحسسك بكدة
فعلا صاحب بنية قوية و كريزمة ملفتة حتى من قبل ان يتكلم رحمة الله

اما بقى خالد مشعل
فهو كسيف الله
قائد عسكرى محنك
يعرف ماذا يقول و متى يقول


يا ترى هى الناس دى امهاتهم ربتهم اذاى
عقبال ما اشوفك يا حمزة

انا عائد

أنا عائد أقســــمت اني عائدُ == والحق يشهد لي ونِعم الشاهدُ
ومعي القذيفة والكتاب الخالدُ == ويقودني الإيمان ، نِعم القائدُ
أنا قد مللت الشعر يندب نكبتي == ورفضتُ أسمع غير شعر الثورةِ

فدعوا النحيب فليس يرجع بلدتي == إلا زئير النــــــــــار يوم الغارةِ

لغة الدما لغتي وليس سوى الدما == أنا عن فنون القول أغلقت ُ الفما

وتركتُ للرشـــــــــاش أن يتكلما ــــــ ليحيل أوكار العدو جهنمــــــــــا

صنم المخـــــاوف والهوى حطمته == ورتيب عيشي عفته وسئمتهو

الحقد في صدري المغيظ كتمته == حتي ينفس عنه ما صممتــــه

يا ثالـــث الحرمين يا أرض الفدا == آليتُ أجعل منك مقبــــرة العدا

ذقتُ الردى إن لم أعد لكِ سيدا == طعم الردى دون الحياة مشردا

أنا لا أهاب الموت إن هو أقبلا == بل أستحثُّ له خطاي مهرولا

فهو السبيل لنصر شعب مبتلى == ووراءه الفردوس طابت ْ منزلا

يا إخوتي هــبوا ليــــوم الموعــدِ == هذي يدي فضعوا يديكم في يدي

لا تذكروا ليَ الأمس، نحن مع الغدِ == ولنا صــــلاح قـدوة فلنــقتـــــــدِ

شعر لفضيلة الشيخ يوسف القرضاوي

ضربة رجل واحد

اتفرجت امبارح على الخطاب الملتهب الساخن لحسن نصر الله

الى هاجم فية مصر و بطريقة مباشرة تنعدم من اى نوع من انواع التورية او المجاملة

و حرض فيها المصرين على الخروج مأكدا لهم ان الشرطة مش هتقدر تقتل كل المصرين

بداية يلعن ابو الحكومة المصرية الهى يتحرقو بجاز وسخ و ميلقوش حد يطفيهم

بس امبارح حسيت للحظة ان شكلنا بقى عار اوى و ان مجرد وصف مصرى هيبقى عار علينا

بس بعد خطاب امبارح بتاع حسن نصر الله

و الانكار الشديد من قطر انها عملت الى عليها و بعتت طيرتين انتم لية يا مصرين يا خونة مدخلتهمش من المعبر

مع احترامى ليكم كلكم يلى افتكرتم انكم بالطيرتين و المعونات و الشعارات الرنانة عملتم الى عليكم

ايوة انا معاكم ان مصر طول عمرها ليها دور كبير و انها ياما قدمت ارواح قبل الاموال و خصوصا لفلسطين و ان العالم العربى كلة منتظر انها تفضل تقدم و يا رب يقدرنا و نقدم

بس انتم فين

نصر الله

انت قادر انك تخلى اسرائيل تلف حوالين نفسها

و عملت كدة من قبل

ما تورينا شطرتك و تنصر اخوانك فى فلسطين بصاروخين تخلى اسرائيل متشتتة من الجبهتين بينك و بين فلسطين

و خصوصا انهم اجبن خلق الله و لو جبهتين بس ضربوهم مش هيستحملة

دول لغاية دلوقتى مدخلوش بالدبابت لانهم عارفين انهم لو نزلو على الارض المقاومة مش هتسبهم

تخيلو ضربة واحدة من لبنان و سوريا و ايران

هى القدس المحتلة المعروفة باسم اسرائيل مساحتها اد اية يعنى عمرها ما هتستحمل ضربة ذى دى

و امريكا بقى فيها الى مكفيها عمرها ما هتقدر تدخل اى حرب تانى و بعدين ايران عقدتنا بالصواريخ الى بتمشى تحت البحر و فوق البحر و حركات جامدة اوى طب ما بدل الكلام و الهجوم على مصر ما تفرجنا جمال صوارخها

و بتاع قطر الى عمال يهلل مدخلتوش الطيرتين

ما تبعت اطباء و طيرات مجهزة طبيا على الحدود او خيم بردو مجهزة لاستقبال المرضى ولا احنا العرب مش فالحين غير فى دفع الفلوس و بس

ايوا مصر غلطانة

و اتعملها فخ ابن لذينة و قعت فية ذى العجل يوم الدبح

و حكومة عايزة تدرب بالجزم

و شعب غافل لسا الاف ام و باقى القنوات بيعلنو عن ليلة راس السنة ولا اكن فية حرب

و شعب نسبة كبيرة منة فى غافلة

بس احنا الباقى الى ربنا مديلة شوية بصيرة بنعمل الى علينا

الى يروح نقابة الاطباء هيشوف اذاى فية ناس راحت تتبرع بشوال مليان فلوس و ناس غلابة ب 10 و 50 جنية كل واحد على قدة

المهم ان فى الاخر نكون على قلب رجل واحد

المهم يا امتى العربية و الاسلامية متهجموش مصر و السلام و تستنو انة يكون فى اديها مفتاح الفرج

كل واحد يعمل

الى علية بجد مش مجرد كلام و السلام

والتحيا الوحدة العربية

هذة المرة التدوينة حمراء بلون الدم

الى كل من أمسك قلمة ليكتب حصاد العام معتبرا انة قد انتهى ادعوكم لرفع اقلامك فان الاحداث الحقيقية لم تبتداء بعد

معلش انا مش بفهم اوى فى السياسة ولا التكتيكات العسكرية بس بفكر فى حاجة بسيطة على مستوى الطالب الى على قدة هى مش الازمة الاقتصادية العالمية دى فرصة اننا نتحد و نشل اكتر اقتصاد العالم علشان نساوم على غزة مش مطلوب من الدول العربية الحرب لو دة بقى مطلب مستحيل بس على الاقل نضغط بالسلاح الى نملكة ولا انا فى الطراوة و مش فاهمة حاجة

انا عايزة افهم عباس و ابو الغيط كانو بيعملو اية فى مصر النهردة و انة محاولات دى الى عايزين يعملوها تانى مع اسرائيل هما الناس دى محطوط فى الجمجمة اية ؟ طبقى كبدة بالسلطة
و الله العظيم الناس دى هى الى بجد محتاجة الجزمة
اكبر جزمة ليكم يا ولاد الكلب

لا اسمع بعد كل ضربة صهيونية الا

الله اكبر

طلقائية ممزوجة بمرارة الغضب و العجز و الم فراق الاحبة و هم بين ايدينا

الله اكبر

اهى الكلمة السحرية التى تعينهم على الصبر

ام ان الله يجريها على السنتهم ليزداد اجرهم و ثوابهم عند الله

الله اكبر

نعم انة اكبر و اعظم ....الجبار

ليكن الله فى عونكم يا من عجزت ايدينا و شلت حركتنا

لمساعدتكم

الله اكبر

تحديث

منذ قليل كان يتكلم عبد الله شلح الامين العام لحركة الجهاد الاسلامى على الجزيرة
كل ما يتكلم يرجع لنقطة واحدة مصر
عتب شديد و خزى و خيبة امل فى حد طول عمرك شايفة كبير
قال مصر عملت اسطورة تدرس ليومنا هذا بفوزها على اسرائيل بس لولا الدعم العربى و الاتحاد على انقطاع البترول عن الغرب و السلاح العربى مصر مكنتش عرفت تحقق الانتصار دة
و الحقيقة عندة حق
كل ما اقلب فى القنوات الاخبارية الاقى حتى المواطنين فى مختلف الدول بينادة على مصر حتى انها تفتح المعابر
شكلنا بقى وحش اوى اوى يا مصر
تحديث اخر
قلبى وجعنى على الضابط المصرى الى قتل بجد الواحد مش عارف يعمل اية

يوم التدوينة البيضاء

..................................................................